Jazz for finanskrisa
Ein danske, ein tyskar og ein franskmann finn tonen saman og lager jazz med kommunistiske klangar. Torsdag 19.april stod jazztrioen “Das Kapital” saman på Victoria Nasjonal jazzscene.
Har du høyrt den om dansken, tyskaren og franskmannen som møttest, oppdaga at dei hadde utruleg god kjemi, og sidan har spelt jazz for finanskrisa? Ikkje det nei, då må du bli betre kjend med “Das Kapital”!
Trioen etablerte seg i 2002, etter eit møte som dei sjølve skildrar som skjebnesvangert. Daniel Erdmann trakterer saxen varlegt, Edward Perraud er den frekke franskmannen bak trommene, og Hasse Poulsen energisk gitarist.
Namnet trioen smykkar seg med leier tanken hen til kommunismens far, og hans kommunistiske manifest, men det er den kulturelle kapitalen som er i høgsete når trioen fyrer opp. Kulturell kapital på tvers av landegrenser. I ei globalisert verden inneber dette at også musikken bør flyte fritt uten at det naudsynt betyr at heile folket skal ha tilgang på instrumenta(eller produksjonsmidla om du vil). Trioen har hausta fleire høgthengande prisar innan jazzmiljøet, blant anna for utgivelsen “Ballades & Barricades” frå 2009.
Med vissheit om denne litt tunge ideologien på baklomma møtte utsendte reportar frå Skumma Kultur bandet etter ein konsert på Victoria Nasjonal Jazzscene. Kom dette til å bli eit strevsomt møte? Nei, slettes ikkje! “Das Kapital” overbeviste frå fyrste blås i saxen. Det vart ein time fylt med energisk jazz og overraskande frekk tromming frå franskmannen.
Alt trioen framførte denne kvelden var komposisjonar av den tyske komponisten Hans Eisler. Det var lyden av slaven som slapp fri, nasjonalsongen til staten som ikkje lenger fins, og tonar frå tog som rullar over grenseovergangar.
Foto: Carsten Stolzenbach
Legg igjen kommentar: